ا لعنا ية با لا ظا فر :

الأدوآت:

- لون المنآكير الأساسي اللي تبينه.... فوشي بس بدون مايكون فآقع.. وفيه لمعة خفييفة واللون يطلع بالضبط مثل العلبة بطبقة وحدة.. رقمه 9

- الألوآن اللي تبينهآ للنقط.. أنا اخترت الأبيض والأسود والسلفر بس ماستعملته

- بيفضل يس كوت وتوب كوت.. ورقة

- أعوآد أسنآن للنقط.. أو إذا عندج منآكير بفرشآة ضعيفة "عندي من دآيسو بس أفضل أستعمل العادي مع أعواد الأسنان لأن مآل دايسو يكون كثيف ومايجف وماعرف أتحكم به عدل"

.( 2 ). الطريقة:

- بعد ماتحطين طبقة بيس كوت.. إنتظري من 5 - 10 دقآيق لين تنشف.

- إصبغي أظآفرج باللون اللي إخترتيه.. شوفو لون فورلآيف من قريب بطبقة وحدة
نصيحة للي يستعملون فورلايف: المناكير قوآمه ثقيل وكريمي نوعآ ما.. ف لما تاخذين الفرشآة امسحيها بأطراف العلبة علشان ينزل الزايد.. لأن لو مامسحتيه بيكون كثيف ع الظفر وبيغربلج لين ينشف.. ولو حسيتي الطبقة خفيفة إنتظريها لين تجف حول 10 دقآيق عقب حطي طبقة ثآنية.. لاااا تحطين طبقة ثانية والأولى مانشفت ><

- إخذي نقطة من المنآكير الأبيض والأسود على الورقة "ماله داعي تكثرين"

- إبتدي ارسمي بالنقط.. أنا ابتديت بظفري الوسط "دآيما أحب أصبغه أول ماعرف ليش؟!" ورسمت وردة بالدوائر بهالطريقة:

اخذي الطرف المسطح مب المدبب من عود الأسنان وغمسيه في نقطة المناكير الأبيض.. حاولي ماتوصلين لسطح الورقة مجربد غمسة خفيفة بحيث يكون المناكير على الطرف مثل القطرة.. عقب قربية على ظفرج في الزاوية اللي تحت بس خلي مسافة بينها وبين نهاية الظفر وحطيه ع الظفر برقة مايحتاج تضغطين بتشوفين النقطة نزلت وصارت دائرة.. عقب سوي دوائر ثانية حولها بدون فراغات.. بتتكون لج دائرة كبيرة على شكل وردة صغيرونة

عقب بالطرف المدبب غمسيه بالأبيض ونقطي حول الدائرة الكبيرة نقطة صغيروونة... سوي أربع نقط صغيرونآت بينهم فرآغات.. وفي هالفرآغات نقطي نقط سودا بالطرف المدبب بيكون شكلهم نقطة صغيرة بيضا وعقبها سودا وعقبها بيضا 4 من كل لون حول الدائرة الكبيرة

داخل الدائرة الكبيرة.. غمسي الطرف المسطح من العود في المنآكير الأسود.. وحطيه وسط الدائرة الكبيرة.. أو تقدرين تحطين فص صغيرون لو عندج

طبقي حركة الوردة هذي في الصبع الوسط من اليدين

وباقي الأظافر نقطيهم بنقط عادية بالأبيض والأسود.. أنا اخترتهم في الزاوية السفلية

تقدرين تحطينهم بنص الظفر اليمين أو اليسار أو فوق أو تحت.. انتي وذوقج

طبعآ اغمسي الطرف المسطح من العود وعقب نزليه ع الظفر

ملآحظة: كل ماضغطي بالعود ع الظفر كل ماصارت الدائرة كبيرة.. كل ماخففتي صارت صغيرة

خلي النقط بشكل عشوائي لا تتقيدين بشكل أو حجم محدد.. ليش؟؟

علشان تقدرين تطبقين الحركة على اليدين.. لأن تعرفون اللي تشتغل باليمين تلاقي صعوبة تشتغل باليسار والعكس صحيح
فلما تكون الدوائر عشوائية بيكون رسمهم سهل ع اليدين.. أهم شي يكونون متركزين بنفس الزآوية

وبس إنتظري لما ينشف.. الدوئر ماتاخذ وقت لو كنت ضابطة الضغط بتجف بسرعة

بس للإحتيآط خليهآ عشر دقآيق

وآخر شي طبقة من التوب كوت.. أي منآكير شفاف يفي بالغرض

وهذي المواضيع الضرورية التي يجب أن تعرفيها:

- تعريف و تركيب الأظافر
- نمو الأظافر بطريقة خاطئة
- قضم الأظافر
- تحفر الأظافر
- حدوث تورم في الجلد حول الأظافر
- طريقة العناية بالأظافر حتى لا تنكسر
- الأظافر بيضاء ، تغير لون الأظافر
- كيف تقص وتبرد أظافرك ؟
- اظافرك تعكس وضعك الصحي
- امراض الأظافر
- الإلتهاب المزمن للأظافر
- انفصال و سقوط الظفر غير المسبب
- الاظفر المنغرز في الجلد
- نصائح العناية بالأظافر
- وصفات خلطات لتقوية و جمال الأظافر